【Emily】3展覽同揭幕 丘應樺周圍試

【明報專訊】玩具展、嬰兒用品展、國際文具及學習用品展噚日喺會展開幕，記者見到有個出席完開幕儀式嘅局長喺現場行個圈，經過擺滿玩具嘅參展攤位，都會拎上手試吓、摸吓，仲拎起個熊貓造型嘅眼鏡試吓。佢就係商務及經濟發展局長丘應樺。局方其後喺facebook發帖，丘應樺話以玩具展為例，多個展區面積都有增長，參與嬰兒用品展嘅展商數目亦創新高。佢話政府會繼續支援會展業界，包括擴建亞博館同重建灣仔北。