【Emily】梁美芬囝囝小登科 特首局長議員齊賀

【明報專訊】經民聯立法會議員梁美芬（前排左六）及丈夫王貴國（前排左五）嘅大仔前日（18日）舉行婚禮，一日辦三場活動，上晝喺聖公會聖約翰座堂舉行嘅儀式，由管浩鳴牧師（前右一）主持，多名政界朋友觀禮，包括勞福局長孫玉菡（前左三）及教育局長蔡若蓮（前左四）、前人大常委譚惠珠（前右四）、行會成員陳清霞（前右三），以及議員蘇長荣（前右二）等多名立法會同事。梁美芬囝囝喺下晝舉行酒會，晚上於酒店設宴，特首李家超都有去酒會祝賀。