【Emily】劉慧卿73歲生日 前議員建制同賀壽

【明報專訊】民主黨前主席劉慧卿73歲生日，佢近日喺facebook上載多張合照，話多謝政界、新聞界友好同一眾黨友食飯慶祝。其中一張就見到建制派嘅身影，包括前港區全國人大代表朱幼麟（前右）、自由黨前黨魁鍾國斌（後右一）等；同場仲有記協前主席楊健興（後左二）、立法會會計界前議員梁繼昌（後右二）等。一眾民主黨友亦有同佢賀壽，包括創黨元老兼立法會前議員楊森、現主席羅健熙等。卿姐亦發帖多謝新聞界朋友送上美味蛋糕，並上載同前眾新聞總編輯李月華等人嘅慶生合照。