【Emily】藝術節開幕 李家超趁機宣傳體育園

【明報專訊】第53屆香港藝術節噚晚開幕，今屆有超過45套精彩節目、125場演出。主禮嘅特首李家超（台上前排中）致辭尾聲時，趁機「宣傳」今日開幕嘅啟德體育園，話體育園係香港文化、體育同旅遊聯動發展嘅新地標，希望大家支持喺體育園上演嘅各項盛事同活動。

「藝術之於世界，就如潮汐之於港灣，既涵養文明的經緯，亦激盪創新的波瀾。」李家超借用呢句話，讚藝術節傳承香港百川匯流嘅國際都會精神，為海內外藝術家提供創新創作同盡展所長嘅平台。