【Emily】恒生大學共融節 玩印度手繪

【明報專訊】大學社群有唔同族裔學生及教職員，當中唔少係非本地生。恒生大學過去兩日喺校內舉辦共融節，透過各項活動宣揚多元文化共融精神。共融節邀請咗舞蹈慈善團體BEYOND Bollywood表演印度古典舞同肚皮舞，成員仲即場分享佢哋嘅文化背景，同埋移居香港後嘅生活點滴。

共融節又有多個遊戲攤位同唔同文化嘅美食，仲有手作工作坊，同學可以一齊玩印度手繪（圖）及製作日本御守等。大學期望同學除咗認識唔同文化，仲學懂尊重及包容唔同文化。