【Emily】首期簡屋3．28起派匙 居民壁畫盼添家味

【明報專訊】第一期簡約公屋預計首季起入伙，房屋局長何永賢噚日喺facebook透露，元朗攸壆路項目約2150個單位喺本月28號開始派鎖匙，分批畀居民入伙；佢並同居民畫壁畫，期望增添家嘅感覺。

何永賢噚日到攸壆路項目，同即將入伙嘅家庭一齊畫壁畫。佢話居民喺導師指導下，於公共空間嘅兩幅牆畫上自己鍾意嘅食物，相信居民將來返到攸壆路見到自己嘅作品時更有家嘅感覺。

何永賢發現，唔少居民𠵱家住喺月租6000至近1.3萬元嘅單位，而攸壆路項目月租只係約880至1630元，有家長話慳落嚟嘅錢可以為子女提供更好教育，亦有人計劃儲錢買居屋。佢又相信，無論起點如何，只要有決心改變、好好規劃人生，向上流動嘅台階必定愈走愈高。