【Emily】房會72邨2.2萬單車位 大埔廣福邨最多

【明報專訊】立法會選委界別議員劉智鵬關注公共屋邨單車泊位夠唔夠畀居民用，房屋局長何永賢噚日以書面回覆提供資料，目前房委會轄下72個公共屋邨設有約2.2萬個單車停泊位，其中大埔廣福邨單車泊位數目冠絕全港屋邨，有1675個，以屋邨有6100住戶計，即每3.6戶就有一個單車位。

大埔多單車徑，Emily發現沙田同大埔嘅公屋泊位都比較多。據房屋局數字，截至去年12月底，最多房屋署公共單車泊位嘅5個屋邨依次為廣福邨、沙田美田邨、天水圍天晴邨、沙田禾輋邨，以及大埔大元邨（見表）。

何永賢又提到「幸福設計指引」概念包括建設單車友善社區，例如屯門業旺邨單車泊位出入口，設置喺較方便連接邨外政府單車徑嘅位置，房委會亦會考慮個別屋邨情况及附近基建，將同樣概念引入現有屋邨，提升幸福感。