【Emily】筲箕灣社區客廳啟用 港島首間

【明報專訊】港島第一間社區客廳噚日喺筲箕灣啟用，目標服務330個劏房戶、全年約5萬人次。政務司長陳國基參觀後大讚設備齊全，仲配備按摩椅，貼合街坊需要。問到削減社福開支會否影響社區客廳，變成依賴財團協助，陳國基話社區客廳由政、商、民合作，商界「生意唔係好容易做」，但有心人仍慷慨解囊。佢又宣布土瓜灣高山道社區客廳下月開幕，太子、深水埗、九龍城區嘅都會陸續啟用，即全港將會有9間社區客廳。