【Emily】陳健波時評片破1000條

【明報專訊】立法會保險界議員陳健波（波哥，圖）開設YouTube頻道與facebook專頁9年，一直喺網上評論時政，日前發布第1000條影片。Emily見波哥拍片多年累積唔少粉絲，其YouTube頻道有超過5.4萬人訂閱。佢喺片中感謝市民支持，總結頻道多年來嘅總瀏覽量逾3000萬次，獲得約160萬個讚好，話會繼續評論社會問題，並講解政策，消除公眾誤解。波哥特別感謝網民留言同提出建議，話會盡量親自回覆，整理意見後交畀政府考慮。