【Emily】香港應偕粵澳申奧？ 法官員都話why not

【明報專訊】團結香港基金早前撰文建議香港同廣東、澳門地區申辦2036年奧運，有份參與巴黎奧運規劃嘅法國外交部智能及可持續城市部特別顧問吳爾伏（Gerard Wolf）噚日同Emily講，唔評論香港應唔應該申辦，但個人認為香港有唔少創意，如果有其他城市如灣區城市一齊申辦，無理由香港唔可以成為奧運一部分。

嚟香港出席國際創科展嘅吳爾伏話，雖然大家叫巴黎奧運，其實有唔少項目喺巴黎外地方舉行，如馬賽、里昂等。法國政府外貿顧問、威立雅港澳行政總裁鮑智雅（Laurent Pelletier）就話，奧運一洗巴黎頹風，自己見證北京同上海籌備奧運同世博改善城市基建，不過香港地細，可結合鄰近城市一齊搞，認同如果真係搞到奧運係好事。