【Emily】港區人代訪潮汕 品茶歎糕賞風光

【明報專訊】港區人大代表正喺廣東省潮汕考察，除咗視察唔同產業同紅色文化等，港區人代去咗茶莊參觀，品吓茶、食吓糕點，欣賞吓風光。經民聯梁美芬就向本身係潮汕人嘅人代陳振彬學茶藝，陳振彬冲功夫茶當然係熟手技工。梁美芬話平時工作忙碌嘅港區人代能互相學習，不亦樂乎。

自由黨陳曉峰話，喺母親節特別領略到茶是故鄉濃，「故鄉的茶葉散發出濃郁的香氣和醇厚的味道，就像母親的愛一樣，洋溢深情，無可替代，永遠溫暖着我們的心」，並順便向天下母親致敬。港區人大5日調研團去完潮汕後會轉往揭陽，之後轉去廣州。