【Emily】威尼斯建築展開幕 港人搭竹棚劇場

【明報專訊】第19屆威尼斯建築雙年展外圍展上周五開幕，前日至11月23日喺威尼斯開放畀公眾參觀，其中香港展覽邀請本港搭棚師傅到當地搭建竹棚，名為「Staging The Archive」（存檔舞台），展現傳統搭棚手藝。竹棚裝置位於露天庭園，以大型露天劇場模樣呈現，提供場地舉辦論壇等活動。

霍啟剛盼更多人認識港建築文化

香港展覽有33組作品展示本港經常被忽視嘅公共建築。策展團隊認為傳統竹棚正面臨被金屬棚架取締嘅危機，所以同本港搭棚師傅合作，並要求設計避開複雜結構，希望「簡而精」展示手藝。

立法會體演文出界議員霍啟剛出席咗香港及內地展覽開幕儀式，佢噚日喺社交平台facebook話，期待之後嘅巡迴展可以畀更多人認識香港建築嘅創造力與文化底蘊。