【Emily】抗戰勝利80周年 遺跡設解說牌籌製微短劇

【明報專訊】今年係抗戰勝利80周年，政府會舉辦一系列紀念活動。政制及內地事務局長曾國衞書面答覆立法會議員陳勇提問，提到活動涉及不同部門，包括漁護署正改善具抗戰歷史意義嘅行山徑嘅旅遊配套設施，包括獅子山歷史徑、城門戰地遺跡徑及鹿頸戰地遺跡徑等，並就紅花嶺郊野公園嘅戰地遺跡及附近村民嘅抗戰事迹喺現場設置解說牌，並製作影片喺社交媒體播放，等大家認識紅花嶺及蓮麻坑一帶嘅抗戰歷史。

政府會喺9月3日中國人民抗戰勝利紀念日當天，喺香港大會堂紀念花園舉行官方儀式。政府新聞處正籌備製作「紀念抗戰勝利80周年」為主題嘅微短劇。民青局就話，2025/26年度會資助約20個非政府機構舉辦以抗戰勝利80周年為主題嘅青年內地交流項目，名額約1000個。

至於康文署嘅香港歷史博物館就同中國國家博物館共同籌辦大型專題展覽，香港抗戰及海防博物館就同廣東革命歷史博物館聯合籌辦專題展覽。教育局就籌辦抗戰勝利80周年學術研討會、抗戰歷史到校巡展、全港中學生抗戰漫畫創作比賽等活動。