【Emily】服務有段史 明報集團嘉許47老臣子

【明報專訊】明報集團喺香港歷史悠久，旗下刊物除了《明報》，仲有《明報周刊》、《明報月刊》等，同樣出版多年。唔少員工同樣有一定「歷史」，每年集團都會向服務多年嘅同事頒發長期員工服務獎「金牌」，作為表揚同嘉許。今年有47名同事獲獎，分別服務滿15年、20年、30年、40年及45年，喺早前舉行嘅「員工服務獎頒獎禮2025」獲管理層頒發水晶金箔卡紀念獎座，部分老臣子仲齊齊合照留念，分享喜悅！