【Emily】累計13萬高中生內地考察 11行程融「紅色資源」元素

【明報專訊】教育局自2022/23學年起，要求高中必修嘅公民與社會發展科學生喺3年內參與學校內地考察團一次，政務司長陳國基噚日喺facebook話，截至上月已經有逾13萬名高中生、1.5萬名教師完成內地考察。

佢又以東江水發源地三百山、全球最大嘅單口徑射電望遠鏡「中國天眼」為例，話去過必能體會飲水思源嘅真義，唯有結合「讀萬卷書」同「行萬里路」，「方能真正領略祖國幅員廣大、發展一日千里」，內地考察團就係「打開這扇認識祖國大門的鑰匙」。

佢話教育局今個學年增加考察行程至28個，涵蓋11個省份同直轄巿；當中11個行程融入「紅色資源」學習元素，例如參觀東莞嘅「廣東東江縱隊紀念館」、韶關嘅「紅軍長征粵北紀念館」同觀賞《重慶1949》舞台劇等，令學生「感悟革命先輩的奮鬥歷程和精神，厚植愛國情懷」。