【Emily】現身澳洲六四集會惹質疑 曾上國安導師課男子：為悼念

【明報專訊】澳洲港人組職「HKPACE」日前發布一段約5分鐘長嘅片段，話當地時間6月1日喺一個悼念六四事件集會中，發現一名參與者，曾參加立法會議員何君堯相關機構舉辦嘅國安導師課程，質疑對方參與活動有國安滲透目的。

否認有任務 否認何君堯徒弟

片段中，組織成員向該參與者展示佢參加「國家安全教育中心」籌劃嘅國安教育導師課程畢業相，並有同何君堯嘅合照，質疑佢出席六四集會有施行國安法嘅目的。該參與者喺片中幾乎有問必答，被問到「返嚟澳洲係咪有任務喺身？」、「係咪何君堯徒弟？」等，佢一一否認，解釋自己係法律界，「學國安法係工作需要之一」，有相關課程名銜「做嘢上嚟會方便好多」，至於自己出席集會係悼念六四事件。

翻查資料，國家安全教育中心於2020年成立，係何君堯有份創立嘅「國際公益法律服務協會有限公司（IPLSA）」分支機構，中心於2022年開辦「國家安全教育（導師培訓）」課程，目前獲中心認可嘅國安教育認可導師共323人。