【Emily】「西九係香港IP」 唐英年盼擴合作

【明報專訊】西九文化區管理局喺上海辦嘅「2025上海西九文化周」噚日開幕，西九今次帶咗一系列表演及展覽去上海，包括M+和香港故宮文化博物館策劃嘅展覽、原創粵語音樂劇《大狀王》、精選戲曲等，話要落實將香港文化藝術節目「走出去」。西九管理局主席唐英年（圖，西九管理局提供）形容西九係香港文化品牌（IP），期望與不同範疇嘅知名IP合作，推動文化產業發展。

唐英年話西九嘅文化藝術策展喺上海大受歡迎，其中喺上海當代藝術博物館同M+聯合主辦嘅「貝聿銘：人生如建築」上海站展覽，自4月26日以來錄得約8萬人次參觀。出席活動嘅文體旅局長羅淑佩就話，活動不但係落實政府推動香港頂尖文藝創意項目「走出去」嘅重要里程碑，亦向外展示香港多元藝術成就，吸引外地朋友來港體驗。

上海西九周18至22號舉行，以「滬港雙城，藝脈相承」為主題，香港嘅藝團會與上海6個著名文藝機構及場地攜手呈獻七大文化藝術節目。