【Emily】迪士尼×360纜車 巴斯胡迪阿燥阿愁陪你一飛冲天

【明報專訊】香港迪士尼樂園今年20周年，聽日至8月31日有跨景點聯乘合作，與同樣位於大嶼山嘅昂坪360，推出11架主題水晶纜車。每架纜車車身印有唔同迪士尼角色，包括電影《反斗奇兵》嘅巴斯光年、胡迪，以及《玩轉腦朋友2》嘅阿燥、阿愁等角色。

共11架 不可輪候指定款

活動期間昂坪360推出套票，包括來回乘坐迪士尼20周年水晶纜車、紀念票同優先登車，票價成人及小童分別365元及220元，長者235元。昂坪360提醒，主題纜車數量有限並隨機出現，不設預約留位及不可輪候指定款式，訪客需按職員指示排隊上落車。昂坪市集及涼亭前另設有迪士尼20周年主題裝置，包括約5.5米高嘅「奇妙夢想城堡」裝置。

香港迪士尼樂園度假區行政總裁莫偉庭相信，兩個景點鄰近便捷嘅空陸交通，能提升旅客到訪興致。昂坪360董事總經理董沛銓就期望協同效應能為本港旅遊業注入更多活力。