【Emily】中西區相展看變遷

【明報專訊】今年係香港回歸28周年，中西區民政處喺金鐘太古廣場舉辦「昔日中西區照片展」，展出90幾張區內舊照，最早一張攝於1905年。當中有大量黑白舊照，例如皇后像廣場、石板街、山頂纜車（圖）等中西區地標。展覽會以荷李活道為起點，分為生活、文化、城景及風景4個範疇，亦會有比較近代嘅彩色相片，逐步見證社區演變。展覽場地設計成現今其中一段荷李活道，以片狀分割建築物形式勾勒出街道外觀及建築特色，希望令公眾有如置身荷李活道嘅時光隧道。