【Emily】鍾國斌嫁女 話心情開心複雜

【明報專訊】立法會紡織及製衣界前議員鍾國斌（Felix）日前嫁女，過百賓客飛到印尼峇里島出席婚禮。雖然Felix冇講有邊啲賓客出席，但見政制及內地事務局前局長聶德權、經民聯吳永嘉、民主黨前副主席單仲偕等人都有留言祝賀。

Felix前日喺facebook公布喜訊，話有過百位嚟自香港、內地、美國等地賓客出席婚禮，佢話心情開心但複雜，有好多人預計佢會喊，「但實際又無喎」，仲話因為所有關心同責任都轉移晒去女婿到，嗰日開始可以退休。睇番啲相，見到Felix搭晒女婿膊頭，應該都好放心交個女畀女婿。