葉蒨文嫌曾展望太進擊 林澤謙被指「種票」罪成曾入獄

【明報專訊】無綫戀愛真人騷《女神配對計劃》前晚播第3集，葉蒨文（Sophie）跟曾展望（GM）、林澤謙與林堡熙（Eddie）「三角枱約會」，曾展望被睇好跟葉蒨文有進一步發展，最後被嫌太進擊表白，令女神對他的好感度「不升反跌」。三回合比賽，曾展望勝出一回合，林澤謙勝出兩回合，獲機會跟葉蒨文獨處共享「甜品時光」；林堡熙跌入淘汰區。

失獨處機會 曾展望勁失落

曾展望節目中全力追求葉蒨文，「我都幾緊張女朋友，好驚自己好鍾意一個人，點解好似成日扮到咁瀟灑呢？有時好驚自己好鍾意之後會好hurt，所以一有啲鍾意就同自己講，唔好咁鍾意，因為覺得每次自己好認真時，好似都會出事，我平時都好少會想公開追女仔，但見到你之後，真係有個念頭，想試吓照顧你，絕對唔會放過任何一個機會去捉住佢」。此舉令葉蒨文卻步，表示太快，招架不來，不懂反應及有壓力，最後她選擇林澤謙，曾展望首輪約會失敗頹爆，難掩失落表情，「睇住自己鍾意嘅女仔揀咗第二個，對自己有啲失望」。

葉蒨文稱不在意追求者有案底

林澤謙初時表現怕醜，主持林盛斌（Bob）問他說話時為何不正視葉蒨文，他靦腆說不敢望，跟葉蒨文互動時，獲女神認同三觀一致，單獨約會時，葉蒨文連收入與組織家庭的問題也跟林澤謙討論。林澤謙畢業於香港中文大學，是手球港隊代表，身材健碩的他曾任內褲品牌模特兒。

怕醜仔林澤謙獲女神垂青引起熱話，同時被揭「黑歷史」，疑曾涉及2016年立法會資訊科技界賄選案。根據法庭紀錄，名字為「林澤謙」的被告，因接受850元報酬參與「種票」計劃被廉署起訴，2021年判入獄6星期，與林澤謙的姓名及背景相當脗合。有網民就有關傳聞在社交平台留言問葉蒨文是否介意追求者有案底？她回覆：「我更加在意一個人嘅現在，現在就已經包含佢嘅過去同埋思維，我亦都會觀察一個人嘅成長空間。」

娛樂組