【Emily】公僕招聘明起只接受網上申請

【明報專訊】政府為提升招聘效率，聽日（7月1日）開始招聘嘅公務員職位，除另有指明外，申請人必須透過電子方式提交申請，唔再接納紙本申請。個別職位嘅申請方式會詳列喺招聘廣告中，申請人應按列明方式喺截止日期前遞交申請。

舊年7月底起，助理文書主任、文書助理同二級私人秘書嘅職位申請，只接受喺網上系統遞交申請，今次擴展到全部職位。另外，政府今年5月下旬推行透過電腦考《基本法及香港國安法》測試（學位／專業程度職系），考生仲可以即場攞到成績。

公務員事務局長楊何蓓茵噚日喺facebook話，以上例子都係善用現有資源同人手，從根本提升招聘效率，提供便利，又話社會對公務員期望不斷提高，希望團隊繼續追求高效，致力提升公共服務嘅效率同效能，為市民帶來更好生活。