【Emily】富東閣最後一夜 Ivy So岑子杰撐場

【明報專訊】喺沙田瀝源邨開業逾10年嘅富東閣海鮮酒家，噚日迎來最後一日營業，吸引大批街坊食客同新知舊雨幫襯，甚至有港島人揸車嚟送別，晚市5點半開始前已有食客排隊堂食同買外賣。

Emily現場所見，每枱都必點酒家嘅名菜片皮鴨；而喺芸芸食客中，Emily發現到熟悉嘅臉孔，當中最「搶鏡」嘅係女團組合COLLAR成員Ivy So（蘇雅琳）。聽佢講佢以前踩單車經過嚟食過，得知酒家結業特登再嚟幫襯，席間佢仲同街坊合照留念𠻹。

岑子杰遊「故地」 酒家：盼後會有期

另外，曾經喺瀝源邨做過區議員嘅岑子杰，呢晚亦同朋友嚟食飯。酒家老闆話，連日嚟多得傳媒報道，佢哋生意好好，呢晚本來打算晚上9點就結束晚市，但睇嚟要超時咯！無論如何，佢都同街坊講句，希望後會有期。