聲演廣播劇《我所聽見的未來》 石修感新鮮 馮素波：勾起好多回憶

【明報專訊】商台雷霆881邀殿堂級聲演原創廣播劇《我所聽見的未來》，將於7月20日播出，參與包括石修、陳志雲、馮素波、黃文慧與梅小惠，還有阮兆祥 、周殷廷及黃妍客串聲演。

石修首度聲演廣播劇感新鮮，他說：「今次係我第一次參演廣播劇，以前做電視劇、拍戲，係連埋動作一齊去做，今次唔需要照顧其他嘢，用把聲去講就得。錄完之後好似去咗一個新嘅家庭，因為大家都住喺同一間屋，喺裏面發生好多事。有時因為啲對白寫得好好，好貼地、好現代，我喺呢個廣播劇裏面都吸收到好多年輕人講嘅說話，我一路工作一路學習。」

梅小惠：給照顧者正能量

馮素波分享錄音感受，「錄音過程最得意係陳志雲唱子喉，然後石修唱時代曲。參與今次廣播劇勾起好多回憶，因我十幾歲嘅時候，爸爸搞廣播劇，我仲係細路聲，但已經演少女角色。今次故事，我哋成班都係長者，5個人同屋共主，講出我哋長者一齊生活嗰種樂趣，好開心隔咗五十幾年都可以再做廣播劇」。梅小惠笑稱被「賣豬仔」，因為錄音時面對4名前輩感壓力，雖做足功課仍緊張，劇中她是照顧者角色，跟現實中照顧媽媽的情節差不多，故特別感觸，在家念對白時已流淚。她希望透過這廣播劇鼓勵照顧者，給他們正能量。

娛樂組