【Emily】調解院總部明交吉 年半竣工「超高速」

【明報專訊】由二級歷史建築舊灣仔警署改建而成嘅國際調解院總部大樓完成翻新工程，律政司長林定國同外交部駐港特派員崔建春噚日去咗參觀主大堂、會議廳、調解室同展覽區等。總部大樓聽日會正式交付國際調解院籌備辦公室，為最快今年底開幕準備。

林定國喺社交平台回顧過去14個月嘅改建工程，形容係「不超支、零意外、超高速」竣工。由舊年1月去立法會講解方案，經過立法會工務小組、財委會，最終工程舊年4月展開，一年半內完成。

國際調解院嘅硬件已接近完備，至於開幕前嘅準備工作，林定國話，根據公約規定，有3個簽約國家正式批准後嘅30天公約就會正式生效，隨後締約國將召開理事會，制定一系列涉及實際運作嘅規則，以及組成秘書處。