【Emily】林世雄任港大碩士課程論文導師

【明報專訊】前運輸及物流局長林世雄（圖）舊年12月5日離開政府後改執教鞭，佢除咗由今年5月起出任科技大學土木與環境工程學系兼任教授外，今日開始亦成為香港大學碩士課程嘅論文導師，將為港大土木工程系碩士課程嘅學生提供寫論文嘅意見，並就論文評分。

前任行政長官及政治委任官員離職後工作諮詢委員會認為，喺遵循委員會所建議規限嘅前提下，林世雄擬擔任嘅工作唔會構成任何潛在利益衝突，亦唔會損害或削弱政府履行職能嘅表現，同時唔會引起人合理地擔心林世雄會得到延取報酬或利益，亦不預期會引起負面公眾觀感。

諮詢委員會就前任政治委任官員離職後嘅工作或委任安排作出考慮並提供意見。諮詢委員會認為，林世雄擔任擬議工作時要遵循一定規限，包括唔應該喺授課教材內，包含同佢作為運物局長期間任何相關、而可能會令政府尷尬嘅內容，亦唔應該使用或透露任何機密資料，同時唔應該參與有關政府事宜嘅游說工作，不應直接或間接參與競投任何由運物局、民航處等所委託嘅項目。