【明報專訊】呢期全港都好關注基孔肯雅熱同防蚊，本身係中醫師嘅民建聯議員陳永光就專程用幾款中藥藥材，設計咗一款DIY天然無毒嘅驅蚊中藥香包。
陳永光推介嘅呢款驅蚊包，製作方法係先準備艾葉、香茅、石菖蒲、白芷同薄荷各5克，然後將藥材切碎同撈勻，放入紗袋或布包。用嘅時候，將驅蚊包掛喺空氣流通嘅地方或風扇旁，促進中草藥香氣散發。另外，行山人士都可以將香包掛喺背囊。
陳永光同Emily講，會影響孕婦或其他患者嘅藥材都無用喺呢個配方度，可以放心用。不過佢亦提醒，香包係外用，請勿內服；如果藥材無咗香味，就要及時更換。
