【明報專訊】實政圖桌立法會議員田北辰噚日都75歲生日，佢話今年收到兩份禮物，形容一份眾樂樂、一份獨樂樂，兩者同樣充滿心意。最令田二少窩心嘅係，5歲孫仔花心機砌咗一件Lego模型畀佢。屬虎嘅田二少早排被孫仔問想要咩禮物，佢見到一個老虎圖案嘅模型後就買畀孫仔砌，盒面話適合18歲以上玩，因為有成900幾件零件，但孫仔「越級挑戰」，趕及喺佢生日前砌好。田二少生日返到立法會，同事亦為佢準備心意，係一個結合大欖隧道、飛機同鐵路站圖形嘅蛋糕，代表佢多年嚟爭取處理嘅地區事務。田二少話能夠處理好民生議題感到好滿足。
