【Emily】2100基層生獲中電送iPad 兼學編程

【明報專訊】中華電力與津貼小學議會、中文中學聯會、港專學院及職業訓練局合作，今年再度推出「電子學習支援計劃」，為超過2100個基層家庭嘅中小學及大專學生送上全新iPad。中電義工日前就趁暑假結束前，安排受惠中學生參加編程工作坊，教佢哋點樣用iPad製作智能風扇，畀佢哋思考下點樣利用科技推動節能減碳。

中文中學聯會主席梁冠芬校長話，推動教育數碼化已成為香港教育政策嘅重要方向，而透過商界及學界合作，推動學生「自攜裝置」政策，有助提升教學嘅靈活同效能。獲贈iPad嘅基督教香港信義會信義中學陳永媛同學就話，日後可以運用人工智能工具整理筆記，分析課本內容。

中電企業發展總裁莊偉茵話電子學習支援計劃已連續推行4年，累計撥款超過2200萬元，超過7000人受惠。