【Emily】3D打印蠔礁盼復育 理大生奪James Dyson獎

【明報專訊】本地蠔礁面臨瀕危危機，為針對蠔礁衰退問題，理工大學博士生陳德強研發咗3D打印模組蠔礁「Reef of Hope」，打算復育蠔礁，同時希望提升海洋生物多樣性。呢個作品最近拎咗2025年James Dyson設計大獎香港區獎，嚟緊會代表香港晉身國際賽。

翻查比賽網頁，陳德強嘅設計靈感源於全球有超過85%蠔礁因受污染、人類活動等原因而消失，佢希望可以透過創造生態工程方案去恢復蠔礁，同埋利用可持續、無毒材料製作，最終使用3D打印技術，除採用拓撲設計，仲加入蠔殼碳酸鈣、對海洋安全嘅礦物質同埋具生物活性嘅塗層，有效促進蠔類依附及避免微塑膠污染。

陳德強𠵱家喺香港水域都有做實地測試，結果顯示蠔類嘅附着率比傳統方法提升3倍，喺一個月內礁體生物多樣性已經明顯提升，吸引咗蝦、蟹等物種聚居。陳德強嘅作品將獲頒5000英鎊獎金支援下一階段研發，並會晉身該設計大獎國際賽。國際賽冠軍會由James Dyson親自挑選，結果喺11月公布。