【Emily】加華銀行港設代表辦 柬埔寨首間

【明報專訊】特首李家超舊年7月至8月率團訪問東盟3個國家，其中喺柬埔寨同當地嘅加華集團主席方僑生會面，探討合作。投資推廣署噚日宣布，加華集團旗下嘅加華銀行已獲金管局批核，喺香港設立代表辦事處，噚日舉行開幕儀式，亦係第一間柬埔寨銀行喺香港設立辦事處。

投資推廣署長劉凱旋話，香港係東盟企業進入全球市場嘅首選樞紐，署方會繼續協助柬埔寨企業喺香港擴展業務、善用香港資本市場等。

加華銀行喺1991年成立，現於柬埔寨有69間分行和430個自助數碼櫃枱，總資產約86億美元，老撾都有子公司。加華集團旗下分為金融和非金融小組，總資產150億美元，擁有1.75萬名員工。非金融小組嘅主要業務涵蓋基礎設施、建築和房地產開發、教育、酒店和醫療服務，亦係柬埔寨投資規模和項目數量最大嘅基礎設施和房地產開發商。