出身道士世家 《中年3》張與辰多靈異經歷

【明報專訊】《中年好聲音3》亞軍張與辰前晚亮相梁思浩主持的TVB Plus節目《直播靈接觸》，自爆出身道士世家，八九歲開始有靈異體質，「以前爸爸做道士會幫人開壇，請神明上身幫人問事、醫病，唔知係咪因為咁，令我有呢類體質。我會睇到、聞到，但係聽唔到」。不過他自從3年前成為基督徒，沒有再遇靈異事件。

張與辰節目中分享最驚一次經歷，20多年前在馬來西亞任駐場歌手，收工時開車順道接朋友，駛上高速公路時，見有「人」企在路中心，他急扭軚避開，「朋友仲問我咩事，咁我知嗰個一定唔係人，望出窗見到個靈體貼住架車飄，嗰樣好似戴咗絲襪咁」。這恐怖畫面讓他畢生難忘，好不容易回到家，還大病了數天。問到會否拍靈異題材電影？張與辰稱對住空氣做戲或扮驚不容易，「我都想挑戰，對靈探節目則有保留，因為是挑釁行為，會請教牧師意見」。

娛樂組