經濟
鄭志剛稱「自帶光芒」攻商界 fans派心心
【明報專訊】鄭志剛（Adrian）徹底退出家族企業新世界發展（0017）後，創辦「上合發展控股（ALMAD Group）」殺回資本市場，引起市場哄動。不過最引人注目嘅係鄭志剛在Threads平台上，以一句「I am my own light; nothing could diminish it」（我自有光芒，無人能遮蔽），為今次回歸市場揭開序幕，更添「王子復仇記」嘅意味。
一向活躍各大社交平嘅鄭志剛，連環於Ig、LinkedIn等平台介紹上合發展控股，話如今會集中在上合發展控股上，認為今次是一場引領新興市場產業轉型嘅浪潮，由東盟至中東，正為未來數十年打造嶄新經濟版圖。佢又話上合將佈局三大領域，包括驅動實質增長嘅產業轉型、虛擬資產創造數位價值，以及由K11 by AC在全球擴張嘅文化生態圈。
值得留意嘅係，喺上合發展嘅宣傳片中，鄭志剛更疑似親身上陣，鏡頭中僅露出上半張臉，而同一個鏡頭在片尾播放公司標誌後再出現，猶如電影中嘅「彩蛋」。今次鄭志剛重回市場，獲得不少支持者派「心心」歡迎。
