【Emily】樂善堂天河安老院納服務計劃 10‧1起可申

【明報專訊】新一份《施政報告》提出擴大「廣東院舍照顧服務計劃」，由目前15間大灣區安老院舍增至24間。九龍樂善堂噚日宣布，與內地椿萱茂養老集團合辦、位於廣州天河區嘅「廣州椿萱茂養老服務有限公司」院舍已獲准納入計劃，10月1日起接受申請。

樂善堂同椿萱茂首個計劃下嘅安老院舍項目位於番禺，樂善堂話番禺院舍36個安老宿位已滿額，已增加30個宿位，但預計會喺年底再額滿，所以再向社署申請將天河區院舍納入計劃，而目前已接到20多個查詢。樂善堂話合辦院舍會為長者度身訂做照顧計劃，亦會為家屬開設專屬微信群組，每日分享長者生活照、飲食、醫療同活動情况等，家屬亦可以同長者視像通話。樂善堂總幹事劉愛詩分享，年屆80嘅院友陳伯伯患腦退化、糖尿病等，佢以前喺香港居住時成日堅持要出街，屋企人擔心佢走失，聘請家傭都應付唔到，後來發現番禺椿萱茂院舍、並提供延緩腦退化症訓練等，於是幫陳伯伯申請，一個月後已入住，家人遙距睇到佢生活狀况都放心。