湯文亮：秘密最多守一日

【明報專訊】星期一早上去到茶餐廳，大家都在討論食放題打包返屋企事件，又唔好以為是聲討那名打包客人，而是店家點解要將事件放上網公審，最初當然是一面倒話客人唔啱，但後來有不少人改口風，認為店家如果唔想私下解決，可以報警處理，放上網就唔啱。店家亦知道犯衆怒，急急忙忙解釋拍片是作為教材，已經叫員工保密，唔知點解流出街，非常遺憾，現在除了那名客人之外，放題店亦是最大受害者。