【Emily】VR走入三星堆 海事博物館體驗考古

【明報專訊】香港海事博物館即日至下月15日，聯同香港中旅集團、三星堆博物館及成都金沙遺址博物館合辦《浮海探蜀：尋覓三星堆．金沙沉浸式考古VR特展》。展覽設30分鐘、共4個場景嘅VR（虛擬實境）體驗，例如有「青銅大立人」帶觀眾參觀三星堆遺址與園區，了解相關考古過程同研究成果等。

博物館噚日舉行傳媒預覽，特展設8個章節，展覽提及位於四川嘅三星堆遺址喺1920年代尾發現，屬西南地區迄今所知規模最大嘅先秦時期古城古國遺址。三星堆喺1986同2019年發現咗8個祭祀坑，共發掘近兩萬件出土文物，包括青銅大立人像等。

公眾需買特展票入場，同日可一併參觀常設展覽。成人票價平日及假日分別係170及190元；學生及殘疾人等優惠票價，平日及假日分別係130及150元。