郭嘉駿自爆被迫「胸襲」女化妝師

【明報專訊】郭嘉駿（193）與駱振偉、鄒凱光和譚凱倫（Helen）主持ViuTV節目《晚吹─男人亂講嘢》明晚首播，首集主題男性遭性騷擾。193自爆曾被同事撫摸胸部，「佢一見到我就會行過嚟掂我個胸，又形容我乳頭係咩形狀」。鄒凱光表示有時是反應不及，「好多時你係男仔，人哋係同你玩嘅態度，如果你發脾氣，就好似好小器」。3人稱同樣情境，對女性這樣做的結果完全不同。193說：「好似Tyson Yoshi咁，佢練到個胸咁大，個body咁靚，係咪就等於Okay畀人掂？𠵱家連讚吓女仔身材都唔得，呢個係唔係就係男女有別？」

譚凱倫認為取決於當事人的感受，若當事人覺得舒服，就不構成性騷擾。駱振偉透露一次派對上，被男同性戀者「惜咗啖」面頰，沒有難受感覺，可以接受，最重要是自己感受。193又分享與女化妝師尷尬經歷，爆化妝師曾迫自己「胸襲」她。事因化妝師想幫193去水腫，提出幫他按摩，化妝師不斷讓193靠向自己胸部，還說「唔使介意」，193說：「但係我好介意，呢個完全係性騷擾，仲要唔知之後會點樣畀人傳開去。」鄒凱光稱即使當事人當刻不介意，事情最終有可能變質，只能盡量避免這些事情發生。

娛樂組