港聞
【Emily】韓領館跆拳賽高手雲集 對打踢板仲mix K-pop

【明報專訊】韓國駐港總領事館今個月舉辦「韓國十月文化節」,今年以首屆「韓國總領事盃跆拳道大賽」打頭陣。韓國國技院約20個跆拳道高手專程來港表演,噚日喺灣仔修頓場館獻技,連續做10幾下踢板、凌空翻身再踢板都無問題,現場隨即報以熱烈歡呼同掌聲。
活動全日有442個香港同韓國選手參與,除咗硬橋硬馬嘅一面,今次表演仲有跆拳道結合潮流音樂嘅舞步,展現跆拳道新玩法。
擔任主禮嘉賓嘅文體旅局長羅淑佩事後喺社交平台話,韓國國家隊除表演精彩絕倫嘅踢板同對打,「更把國粹跆拳道結合K-pop潮流,很有驚喜,全場大讚!」佢話可能將來都可以諗下將武術同廣東歌結合。韓國十月文化節今年係第15年舉辦,康文署今年亦將到首爾舉辦香港周。
繼續閱讀
