【Emily】陳茂波明赴美出席IMF世銀年會

【明報專訊】財政司長陳茂波將以中國代表團身分，聽日啟程去美國，會到訪紐約及到華盛頓出席國際貨幣基金組織（IMF）及世界銀行集團年會，周日（19號）返到香港。

財政司長辦公室提到，陳茂波出席年會期間會同IMF及世界銀行集團代表、其他國家政府官員及財金界會面。陳茂波喺華盛頓同紐約都會與當地主要商會、金融機構和智庫等會面，就國際金融及貿易形勢與發展交流看法，並介紹香港最新發展。

另外，陳茂波噚日出席總商會同香港工業總會合辦嘅論壇，探討開拓清真市場，佢喺主題演講時強調，政府致力提升香港作為穆斯林友善旅遊地點嘅聲譽。論壇亦討論到香港支持伊斯蘭金融嘅角色，其中匯豐亞太區副主席艾爾敦認為港商應深入了解全球穆斯林市場嘅特色同差異，覺得香港方向正確，執行力將會係成功關鍵。