黃宗澤自爆獲富家女仰慕 開價5億求成婚

【明報專訊】黃宗澤昨日獲邀出席陳庭欣男友楊振源開設的護膚品店30周年活動，吸引大批粉絲到場支持。黃宗澤稱「事頭婆」畀面請他來，絕不是拍膊頭，但他也沒問同事收多少錢，又自詡最近好威，原來自己值5億元，他笑說：「因同事收到工作問價短訊，邀請我去周年晚宴當嘉賓，還指公司的23歲混血兒大小姐仰慕我好耐，要求當嘉賓之外及食晚飯，老爺願意付5億元，望我和大小姐成婚。尤如短劇劇本，得啖笑，我講了給早前小病入院的媽媽聽，她也忍不住笑問是否5億美元，但她沒再追問，只問我攞錢去旅行。」

黃宗澤認為現階段開心最緊要，他有祝福曾合作電影的陳偉霆當爸爸，「我看到新聞致電恭喜他，也大讚他好勁，收得咁密。我事前不知他做爸爸，拍拖是別人的私人事，不多講了」。可會考慮跳過結婚先生仔？他說：「我跳樓、跳海就得。問了這麼多年，我沒組織家庭這個觀念，沒要求要享受天倫之樂。」他正忙拍邵氏新劇《風華背後》，開心跟阿姐（汪明荃）繼《野蠻奶奶大戰戈師奶》後再合作，「我現在花名叫『飲咩湯』，因我經常萬歲湯水，還準備一人一個貼了名嘅湯壺，一到拍攝現場，阿姐就問我飲咩湯？以前阿姐和John哥（姜大衛）咁照顧我，我都係順便拎埋畀佢哋飲，老人家拍戲都攰，要滋補吓。」

陳庭欣：無想過生小朋友

陳庭欣被問到可有計劃結婚？她說：「順其自然，我覺得人生不一定要結婚生仔，老實講我無想過生小朋友，因我鍾意小動物多啲，但我不會選擇秘婚，結婚一定公開。」她表示正努力練習匹克球，希望考獲教練牌，「日前打波，左眼中波餅，隻眼瘀晒，當時都好驚，立即睇醫生，好彩沒大礙」。她稱早知莊思敏拍拖，但事前不知結婚一事，雖未獲邀請出席婚禮，但替對方開心，待對方回港再相約食飯慶祝。

記者：林祖傑

攝影：劉永銳

■更多娛樂猛料 ﹕ol.mingpao.com