呂爵安稱登MAMA舞台難以置信 否認MIRROR明年主攻海外

【明報專訊】男團MIRROR衝出香港，繼小隊「妹豬組」獲泰國音樂會頒年度最受歡迎組合，全員將參與韓國有線頻道Mnet主辦音樂頒獎禮「2025 MAMA AWARDS」。呂爵安（Edan）昨日出席品牌活動，承認發夢都沒想過踏上MAMA舞台，難以置信，要好好把握機會，並否認MIRROR明年主攻海外，任何地方有機會都會把握，盡量推廣他們的音樂給更多人認識。MIRROR缺席前日《叱咤》頒獎禮記者會，令現場變得冷清，呂爵安不認同，稱只是少了12個好嘈的男仔，無想過缺席無獎一事。

記者：林祖傑

攝影：劉永銳

呂爵安昨日跟41歲鍾嘉欣同場，賣口乖說小時候視對方為女神，「雖然以前家人不太讓我看電視，沒有追過一套完整的電視劇，不過睇電視和雜誌都會見到佢，腦海中有很多鍾嘉欣的記憶畫面，今次第一次見佢好緊張，不太敢和她說話，佢絕對係我細路時嘅女神，和記憶中的樣子沒有分別，覺得佢好靚」。

呂爵安、姜濤、盧瀚霆（Anson Lo）和李駿傑（Jeremy）的MIRROR小隊「妹豬組」日前出席泰國音樂會，獲頒年度最受歡迎組合後回港，呂爵安表示今次機會難得，很榮幸，於當地舞台表演相當緊張，「可能在不太熟悉的地方，好彩身邊有兄弟響度，希望下次有機會成隊MIRROR再去表演給大家睇」。有指姜濤身體不適，他說：「以我所知冇乜大病，可能有時身體或隻腳有少少不舒服。」

盼伙「小如豬」兄妹檔掙外快

呂爵安透露媽媽及胞妹「小如豬」呂蕙如亦有同行，二人純粹跟工作人員熟絡故一齊玩，順便睇表演，還留多一日旅遊。妹妹早前出席品牌活動，呂爵安表示不可以說帶挈「小如豬」搵錢，「最緊要妹妹開心，有新嘗試和體驗，睇番啲片，佢算好叻女，應該是出席嘉賓中背稿背得最熟一個，一字不漏講晒出嚟，好搞笑、好可愛，歡迎大家邀請我們兄妹檔出席活動」。他強調妹妹一心做牙醫，沒有打算入行，只是掙零用錢。

棄追星「集郵」心態 專注表演

MIRROR將出席11月假啟德體育園主場館舉行的「2025 MAMA AWARDS」音樂頒獎禮。問呂爵安有否圓夢感覺？他說：「稱不上圓夢，因為連發夢都冇諗過，冇諗過有機會，知道當刻都不禁反問是否真的，因為真的是一個很大的舞台，很大榮幸，同時知道壓力有幾大，老實講好緊張，一定要有充足準備做好表演，既然有這個機會，要好好把握。」他表示有留意當中多名韓國歌手，個個都想見，不過相信今次大家的心態有點不同，不會如以往般想「集郵」追星，會專注表演。呂爵安否認MIRROR明年主攻海外，任何地方有機會都會好好把握，盡量推廣他們的音樂給更多人認識。

MIRROR元旦於澳門開騷，未能出席商台《叱咤》頒獎禮，前日缺席記者會，令場面比往年冷清，呂爵安說：「又不會冷清，只是少了12個好嘈的男仔啫！相信支持樂壇和廣東歌的會繼續支持，冷不冷清也不會影響大家支持，將來一定還有很多機會，覺得做歌手最重要是做多些不同的音樂。」怕不怕缺席無獎？他謂：「呢啲唔清楚，《叱咤》獎項計播放率，一向都講獎項是其次，有當然很開心及榮幸，就算沒有也不會影響我們做音樂的本質。」

參演《模範的士3》 期待首播

鐵粉商台DJ阮小儀離巢，呂爵安表示看到新聞立即傳短訊給對方了解，小儀强調不是退休，着他放心，「她還說會繼續做我的生日會司儀，如果她想走人生新一頁，我會支持她，相信佢去到邊都會支持我」。

韓劇《模範的士3》將首播，有份參演的呂爵安表示心情很緊張，「老實講唔算好多戲分，有得參與已經好幸運，可以和李帝勳對戲已經賺晒！是很特別的經驗，冇諗咁多，期待播出睇吓自己表現」。參演的電影《法迷藏》亦將上映，他同樣十分期待，「我覺得個劇本好完整，讓我有很大突破，角色橫跨20年，形象有很大變化，都好想睇睇自己的演出」。