【Emily】海港城聖誕亮燈 設9米高聖誕樹

【明報專訊】聖誕節仲有個幾月先到，各區節日氣氛已漸濃。尖沙嘴海港城同香港迪士尼樂園相隔10年再合作，喺維港海旁同商場內設大型聖誕主題打卡佈置，共有5個打卡點，包括露天廣場及由聖誕樹組構而成嘅9米高「奇妙聖誕樹」等。活動期間設限定快閃店，發售多款限定紀念品，所得收益會捐畀「願望成真基金」。海港城噚日舉行「Magical Christmas@海港城」聖誕亮燈儀式，香港迪士尼樂園度假區營運高級副總裁施保添（左起）、歌手容祖兒、九龍倉置業副主席兼常務董事凌緣庭同米奇米妮一齊拉彩炮。