【Emily】駐吉隆坡經貿辦成立 丘應樺：助加強與東盟聯繫

【明報專訊】籌備咗成年嘅政府駐馬來西亞吉隆坡經貿辦噚日正式成立，成為（唔計內地）香港第15個海外經貿辦，亦係香港喺繼新加坡、印尼雅加達同泰國曼谷後，東盟中第四個經貿辦。

商務及經濟發展局長丘應樺話，新經貿辦有助加強香港與東盟嘅經貿聯繫，而隨住新經貿辦成立，會加強同4個經貿辦覆蓋國家嘅經貿同投資推廣工作，鞏固提升香港國際貿易中心地位。馬來西亞外交部歡迎香港設吉隆坡經貿辦，話係象徵馬來西亞同香港穩健正面關係中新嘅歷史里程碑。

目前駐吉隆坡經貿辦逐步投入運作，根據政府電話簿，現有一名由工貿署調任嘅副處長，同一個行政主管，並喺當地一幢商廈租用臨時辦公室。當局話，前期派駐人員會分批到吉隆坡經貿辦，主力喺當地建立聯繫網絡同籌備長期辦公室等前期事務。