Rocky認單方面向崔碧珈示愛 強調了解中無親密行為

【明報專訊】58歲香港先生鄭健樂（Rocky）日前在社交平台高調公開戀情，標註年紀比他細21歲的崔碧珈（Anita）社交帳號，將兩人關係設定為「戀愛中」；崔碧珈其後否認戀情，聲稱跟Rocky是好朋友。

Rocky昨日發長文澄清，解釋只是想追求崔碧珈，兩人上星期在健身堂首次認識，跟崔碧珈上了兩堂健身，之後對方答謝他而請食飯，過程中有很好的交流，令他覺得可以發展，「食完飯之後，我哋各自返咗自己屋企。當晚因為我想正式追求Anita，同埋畀驚喜佢，冇事先徵求佢同意，喺自己私人facebook（fb）更改咗同佢嘅戀愛關係。我成個動機其實係希望佢第二日喺屋企瞓醒時，睇到facebook通知後，會感到開心同埋接受我嘅愛意，知道我對佢係非常認真！」

二人只相識一周

Rocky解釋自己唔叻玩社交網，以為fb私人帳號其他人看不到，改status要經對方同意才會展示，怎料對方沒同意也會公開展示，承認自己太大意，愈描愈黑，令崔碧珈飽受負面輿論壓力，這絕非他的原意，「我跟Anita是『好好好好朋友』，只認識一星期，未有任何親密和親暱行為，希望外界給予空間，愛護幼苗，將來有好消息先再同大家分享」。

娛樂組