【Emily】《香港家書》停播 港台：與時並進

【明報專訊】逢周六朝早9點播放嘅香港電台節目《香港家書》近日停播。港台回覆Emily話，隨住可供分享意見嘅平台日益增多，唔少人已選擇喺其他平台發表意見，港台「與時並進」，已結束播放《香港家書》，並繼續探討開發更多可以同嘉賓深入互動嘅個人意見節目。

已停兩周 梁君彥包尾

《香港家書》係個人意見節目，每周邀請一位嘉賓撰寫一封約2000字嘅書信，並去錄音室錄製。翻查港台網站，最後一集係上年12月27日播出，即節目至今已停播兩周，當時由上屆立法會主席梁君彥寫「家書」，喺正式卸任立法會主席前總結過去21年嘅議員生涯。

港台亦提及，今年1月3日起，港台第一台會加強節目《未來•無限》內容，逢周六朝早9點至9點半播出。