娛樂
宣萱呻無假放 盼《尋秦記》全球謝票探朋友
【明報專訊】宣萱昨日出席漁農業發展活動，表示很喜歡食海鮮，認為對保持體態有幫助，但不擅於下廚。問到是否食家？她笑道：「粉絲很認同我，若我說不好食，大家一定信。」宣萱自爆年輕時食量驚人，初入行時嚇親不少男藝人，「覺得我食咁多唔長肉，好似嘥米飯，但未試過因大食嚇走男人，因為第一次見面，我一定讓對方看到真面目，唔鍾意就算，唔好開始，即使前男友也鍾意見到我食嘢」。她表示仍忙於為電影《尋秦記》謝票，「我問古天樂幾時可以放假，佢話望都望冇得放，一路謝」。
《尋秦記》港澳票房截至前天（18日）累收7645萬，宣萱稱加長版正在剪輯中，很多人想看多些一家人的屋企戲，她亦很期待，「希望有機會全球巡迴謝票，除可順道探朋友，亦可賺飛行里數，咁大個女都未做過鑽石級（會員），希望《尋秦記》可以畀到粒鑽石我」。
