【Emily】芬蘭總理香港轉機 一嘗蛋撻讚好味

【明報專訊】呢期接連有外國首腦訪華，日前訪華嘅芬蘭總理奧爾波 （Petteri Orpo）結束行程後，經香港轉機，仲有機會淺嘗香港美食。喺總理轉機期間，芬蘭駐港總領事高天明（Timo Kantola）見到奧爾波，仲帶埋蛋撻一齊食。

芬蘭總理對蛋撻都幾有興趣，仲問蛋撻嘅名，食完後話覺得好好味。佢今次試咗酥皮蛋撻，Emily希望佢下次有機會再嚟香港可以試埋餅皮蛋撻同其他香港美食啦。Petteri喺2023年中上任總理，今次到北京期間見過國家主席習近平、總理李強同人大委員長趙樂際。