【Emily】東江水供港60周年 化淡廠搞同樂日

【明報專訊】去年係東江水供港60周年，政府舉辦連串紀念活動，噚日水務署喺將軍澳海水化淡廠舉行「東江水供港60周年同樂日」，現場設有專題展覽，畀市民了解東江水供港嘅歷史和意義，並可參觀海水化淡設施，了解點樣透過逆滲透技術將海水處理成為淡水。

發展局長甯漢豪噚日出席同樂日致辭時話，自1965年起東江水輸港，從未間斷地為香港提供食水，又話呢60年來國家為咗能夠為香港提供穩定及優質嘅食水，限制內地開發東江流域沿線保護區，多年來拒絕咗數百個大大小小嘅投資發展項目，涉及總額逾600億元，即使2021年東江流域遭遇到60年一遇嘅旱情，香港嘅東江水供應亦無受影響，而現時東江水佔全港食水量七至八成，支撐住香港嘅經濟和民生，讓港人「安居樂業」。