【Emily】民記人訪東盟返港 酒店隔離獨過中秋

【明報專訊】民建聯多名立法會議員及成員分三團出訪東盟多國，包括印尼、泰國、越南等，近日完成旅程返港，但因為要隔離3日，所以要喺酒店一個人食月餅過中秋節。陳克勤就好認真，自備最愛嘅雲腿月餅賞月，唔知係咪太悶，佢喺社交媒體上載窗外維港片段，影住啲船來來往往，話係「活力維港」。林琳就有朋友速遞咗成大箱水果及薯片零食畀佢，噚日又有朋水送來一盒6個donut，真係「甜」到漏。