【Emily】工聯：將積極配合十八區關愛隊

【明報專訊】工聯會噚日喺尖沙咀街坊福利會舉行名為「不忘初心，繼往開來」嘅國慶慶祝活動暨地區服務處成立30周年感動人物頒獎禮，其中一名得獎者係工聯會會務顧問陳婉嫻。短片中提到佢13歲加入工聯會，深耕地區工作，係工聯會「標誌性前輩」，多年來培育大批參政議政人士，喺佢身上體現「我是革命一塊磚，哪裏需要哪裏搬」精神。會長吳秋北引述國家主席習近平七一訪港提及「切實排解民生憂難」，話喺新時代實踐一國兩制，工聯會要更積極貢獻，包括配合特區政府未來部署嘅十八區關愛隊。